పీయూసీఎల్ ( పీపుల్స్ యూనియన్ ఫర్ సివిల్ లిబర్ట్సీ) జాతీయ అధ్యక్షుడు కన్నబీరన్ తో ఒక చిన్న ఇంటర్వూ:
ప్రశ్న: ప్రపంచ దేశాలతో పోల్చితే భారత్ లో పౌరహక్కుల పరిరక్షణ ఎలా ఉంది?
కన్నబీరన్: పౌరహక్కుల ఉల్లంఘనలో అన్ని దేశాల ప్రభుత్వాలు ఒకటే. కమ్యూనిస్టు, ప్రజాస్వామ్య దేశాలన్న భేదం లేదు. అందరిదీ ఒకేరకమైన హింస. రాజ్యహింస ద్వారా తప్పు చేసి తప్పించు కోవడంలో పాలకులందరిదీ ఒకటే విధానం. దీన్నే ఆంగ్లంలో ‘ఇంప్యునిటి’ అంటారు. తెలుగులో ఖచ్చితమైన పదం లేదు. కాకుంటే అమెరికా వంటి అగ్రరాజ్య అకృత్యాలతో పోలిస్తే కమ్యూనిస్టు దేశాలు కాస్త మేలు.
పూర్తిగా చదవండి »
మాయమైపోతున్నాడు మనిషి!
- ప్రొ॥ జి. హరగోపాల్
ఒక సంవత్సరం క్రితం (25 ఆగస్టు 2007) లుంబినీ పార్క్, గోకుల్ చాట్లో జరిగిన అమానుష మైన బాంబు పేలుళ్ళలో దాదాపు నలభై మంది ప్రాణాలు కోల్పోయారు. చాలా మంది గాయపడ్డారు. ఈ అమానవీయ ఘటన మీద ఒక తెలుగు టి.వి. చానెల్ ఘటనా స్థలం లోనే నిర్వహించిన చర్చా కార్యక్రమంలో బాధితుల అనుభవము, ఆక్రందన చూస్తే మనం ఎంత దిగజారిన సామాజిక వ్యవస్థలో బతుకుతున్నామో అని ఆలోచిస్తేనే భయం వేస్తుంది. బాధితులు అన్ని రకాల వ్యక్తుల, వ్యవస్థల, సంస్థ ల పట్ల ఆగ్రహాన్ని వెలిబుచ్చారు.
పూర్తిగా చదవండి »
అక్షరాల్ని లోకానికిచ్చి
హఠాత్తుగాఎక్కడికో పయనమయ్యావు
నిరంతర సాహిత్య శ్రామికుడా!
పయనమేదైనా
పచ్చటి బతుకుల కోసమే కదా
పూర్తిగా చదవండి »
-డా//దార్ల వెంకటేశ్వరరావు
ప్రజాసాహితి సాహిత్య, సాంస్కృతికోద్యమ మాసపత్రిక. ఆగస్టు 1977 నుండి నేటి వరకూ నిరంతరాయంగా వెలువడుతున్న పత్రిక. అదీ పీడితుల పక్షాన నిలబడుతున్న పత్రిక. సమాజంలో జరిగే అనేక సంఘటనలకు తనదైన దృక్పథంతో కొనసాగుతున్న పత్రిక. కొన్నిసార్లు రెండు, మూడు నెలలకు కలిపి ప్రచురించినా మూడు వందల సంచికకు చేరువయ్యింది. అలాంటి పత్రిక ఇప్పుడు మూడు వందలవ సంచికకు చేరింది.
పూర్తిగా చదవండి »
వెలుగు బాటలైన వలస జీవులు
- వరవరరావు
ముంబాయి.. దుబాయి.. బొగ్గుబాయిల పోలికలు, తేడాల గురించి పిట్టల రవీందర్ చేసిన పరిశీల న, విశ్లేషణ (ఆంధ్రజ్యోతి 12 ఆగస్ట్ 2008) చాలా ఆసక్తిదాయకంగా ఉంది. మరిన్ని ఆలోచనలను రేకేత్తించేదిగా ఉన్నది. వ్యవసాయ జీవితంలోకి వ్యవసాయ సంబంధమైన పరిశ్రమలు వచ్చినపుడు కొత్త ఉత్పత్తి శక్తుల వికాసం, కార్మిక వర్గం ఏర్పడడం, కార్మిక చైతన్యం, ఆ చైతన్యం తిరిగి గ్రామీణ రైతాంగ జీవితంపై చూపే ప్రభావం - ఇవన్నీ బొగ్గుబాయి, ముంబాయిలకు వలస పోయిన తెలంగాణ పల్లె ప్రజల జీవితాల నుంచి వివరించవచ్చు.
పూర్తిగా చదవండి »
“మెజారిటీ ప్రజల స్వాతంత్య్ర కాంక్ష మైనారిటీ వర్గ ప్రజలలో అభద్రతను పెంచి వారి వలసకు దారితీసింది.”
కాశ్మీర్లో మన కర్తవ్యం
- కె.బాలగోపాల్
అవి దేశ విభజన రోజులు. ఉపఖండమంతటా -ముఖ్యంగా ఉత్తర, వాయవ్య, తూర్పు ప్రాంతాల లో నరమేధం జరుగుతున్నది. హిందూ, సిక్కు మూకలు ముస్లింలను, ముస్లిం మూకలు హిందువులనూ సిక్కులనూ నరుకుతున్నారు, సజీవంగా కాల్చి చంపుతున్నారు. ఇళ్ళు తగుల బెడుతున్నారు. స్త్రీలను రేప్ చేస్తున్నారు.
పూర్తిగా చదవండి »
- మహమూద్ దార్వీష్
పాలస్తీనా జాతీయ కవి
(ఫద్వా తుఖాన్ స్మృతిలో)
1.
ఉహు! మాకు గుర్తు చేయనక్కరలేదు
మాలోనే వుంది, మౌంట్-కేరమెల్ పర్వతం
మా కనురెప్పల పైన కదులుతున్నాయి, గెలీలీ లోని గడ్డిపోచలు
మా నేలలోని పర్వతానికీ, భూభాగానికీ, మాకూ మధ్య భేదం ఉందనుకోకండి
దానిని మేం చేరగలమా అని అడగకండి
మేమూ మా దేశమూ ఒకే దేహం ఒకే ప్రాణం .
పూర్తిగా చదవండి »
వెన్నెల మైదానాన్ని కప్పుకొని బస్సెక్కుతాను
వందనోటు చిల్లర వెంపర్లాటలో
దాన్ని ఎటో కుక్కిపెడతాను
ఈ సీటో ఆ సీటో వూగుతూ ప్రయాణంసాగి
పూర్తిగా చదవండి »
మా… తుఝే సలామ్
- అల్లం నారాయణ
ఇక ఇక్కడితో స్వేచ్ఛ అంతమవుతుంది. కనీసం మరో ఏడాది దాకా. అడపాదడపా ఇంటి స్థలం కోసం కూడా తుపాకి తూటాలు స్వీకరించిన వారి స్వేచ్ఛ గురించి మాట్లాడే ఒక సందర్భం రావొచ్చు కానీ, మరో ఏడాది దాకా స్వాతంత్య్రం గురించి మాట్లాడాల్సిందేమీ లేకపోవచ్చు. పొద్దున్నే మెలకువతో ప్రారంభమయింది స్వేచ్ఛ. ‘మా తుఝే సలామ్’ అంటున్నడు రహమాన్. వందేమాతరం అని ఒత్తి పలికి విరిచి, బహుశా అది బంకింబాబు వందేమాతరం కాకపోవచ్చు.
పూర్తిగా చదవండి »
ఇంకెంత మూల్యం చెల్లిస్తాం?
- కె.బాలగోపాల్
జమ్మూలో భారతీయ జనతా పార్టీ నిప్పుతో చెలగాటం ఆడుతున్నదని చాలా మంది విమర్శిస్తున్నారు. మంటలు మండాలని కోరుకునే వాళ్లు నిప్పుతోనే చెలగాటం ఆడుతారు, నీళ్లతో కాదు. 1953లో షేక్ అబ్దుల్లా అక్రమ బర్తరఫ్కు, అక్రమ అరెస్ట్కు దారితీసిన ఆనాటి జనసంఘ్ నినాదాన్ని ఎల్.కె. అద్వానీ ఇవ్వాళ జ్ఞాప కం చేసుకుంటున్నాడంటే అన్నీ తెలిసే ఆ పని చేస్తున్నాడు. తన చంచల స్వభావాన్ని రాజకీయ ప్రతిష్ఠ చాటున దాచి యోగ్యుడయిన పాలకుడిగా, ప్రజాతంత్రవాదిగా చలామణి అయిన జవహర్లాల్ నెహ్రూ ఆనాడు ఆ ఒత్తిడికి తలఒగ్గి అబ్దుల్లాను నిర్బంధించి నిప్పు రాజేసాడు!
పూర్తిగా చదవండి »
అణు ఒప్పందం గురించి రాస్తున్నవారందరూ అపోహలు తొలగించడానికి రాస్తున్నామనే అంటున్నా రు. ప్రజలకు స్వతహాగా అపోహలు కలగడానికిది సాయిబాబా కన్ను తెరవడమో వినాయకుడి క్షీరపానమో కాదు. ఒకరు కలిగిస్తే తప్ప ఈ విషయంలో అపోహలు కలి గే అవకాశం లేదు. ఊహలయినా అపోహలయినా వ్యాఖ్యా తల అభిప్రాయాల వల్ల కలుగుతున్నవే.
పూర్తిగా చదవండి »
ప్రతివాదం జూలై 19, 2008
కేంద్రంలోని యుపిఎ ప్రభుత్వం అమెరికాకు బానిసలా ప్రవర్తిస్తున్నదని చంద్రబాబు నాయుడు చేసిన వ్యాఖ్య అక్షర సత్యమే గాని ఆయన నోట రావడమే కొంచెం ఎబ్బెట్టుగానూ ఆశ్చర్యంగానూ ఉన్నది. రాష్ట్రప్రభుత్వ రాజకీయార్థిక విధానాలు ఎట్లా నడవాలో ప్రపంచబ్యాంకు రాసి ఇచ్చిన పత్రాన్ని తు.చ. తప్పకుండా అమలు చేసిన చరిత్ర ఆయనది.
పూర్తిగా చదవండి »
పార్లమెంటులో మెజార్టీ కోల్పోయిన కాంగ్రెసు ప్రభుత్వం, జార్జ్ బుష్ తో “అణుఒప్పందం” చేసుకోవడానికి ప్రయత్నాలు చేస్తోంది. పైకి న్యూక్లియర్ రియాక్టర్లకు అవసరమయ్యే యురేనియం ఇంధనం సమకూర్చుకోవటం యీ ఒప్పంద లక్ష్యమైనా, దీనివెనక ఎంతో రహస్య ఎజెండా వుంది. అంతర్జాతీయ మార్కెట్టులో యురేనియం, ప్లూటోనియం ఖరీదు చేయాలంటే, అమ్మడానికి సిద్ధంగా ఎన్నో దేశాలున్నాయి. ఎలాంటి నిబంధనలు లేకుండా కొనటానికి అవకాశమున్నది. మరి అమెరికా నిబంధనలకు తలవగ్గాలిసిన అవసరమున్నదా?
పూర్తిగా చదవండి »
ఒక ఆటోవాలా… నేనూ… చిరంజీవి
- అల్లం నారాయణ
‘ఈనె అడ్డగోలుగున్నడు సార్. మా బతుకులు నాశ్నం చేస్తండు. డిజిటల్ మీటర్లని పెట్టిచ్చిండు.కంపెనీల కాడ దొ… మా ఆటోవాళ్ల బత్కు లు బండలు చేసిండు సార్. ఈనె జూడు. ఎట్ల కట్టుకున్నడో బంగ్ల’ ఉరుము లేని పిడుగు. ఒక ఆటోవాలాకు అంత ఆగ్రహం ఉన్నట్టుగానీ, అది ఒక అపరిచితునితో, ఆటో లో కూచున్న కస్టమర్తో అంత ఉద్రేకంగా పంచుకుంటాడనిగానీ ఊహించి ఉండలేదు. ‘ద హిందూ’ దగ్గర ఎక్కా ను ఆటో. మోతీనగర్ అంటే అప్పటికే ఆరుగురు ఆటో వాలాలు నిరాకరించి ముఖంమీదే చీదరగా చూసి వెళ్లా రు. నాకు ఆటోవాలాల మీద పీకలదాకా కోపంగా ఉంది.
పూర్తిగా చదవండి »
- సిహెచ్. ఉషారాణి, హైదరాబాదు
హఠాత్త్ పరిణామాలేమీ కాదు
తలారా నూరిపోస్తున్నవే
మార్చి మార్చి
పూలపొట్లాలలో చుట్టితెచ్చిన నాన్నగుండె బరువును తరుముతూన్న నేనే
పదే పదే నా ప్రతిబింబాన్ని పదిల పర్చుకొటున్న నేనే
పూర్తిగా చదవండి »
- ఐరా గొలోబిన్
రెండో అధ్యాయం (తరువాయి భాగం)
గతితార్కిక భౌతికవాదం అంటే తత్వశాస్త్రానికి శాస్త్రీయసూత్రీకరణవంటిది; అంటే వైజ్ఞానిక తత్వశాస్త్రం. హెగెల్ ముందుచూపుతో వ్యాఖ్యానించినట్టుగా “సత్యానికి యదార్థరూపంలో ఉనికినిచ్చేది దాని వైజ్ఞానికవ్యవస్థ ఒక్కటే. తత్వశాస్త్రాన్ని విజ్ఞానశాస్త్రం స్థాయికి తీసుకెళ్ళాల్సిన సమయం వచ్చిందని నిరూపించాలి; ఇందుకు తోడ్పడే ప్రయత్నం చెయ్యాలని నేను నిశ్చయించుకున్నాను…తత్వశాస్త్రం విజ్ఞానశాస్త్రంలా రూపొందాలి. తత్వశాస్త్రంఅంటే కేవలం జ్ఞానాన్ని ప్రేమించడం కాదు; అది నిజంగా జ్ఞానమే”. 16
పూర్తిగా చదవండి »