- షాజహానా (8-09-2006)
కలల కుచ్చుముడివీడి
దారాలు దారాలుగా జీవితం
నాలుగ్గోడలకు రోజులను బిగించి
పట్టి పట్టి చేస్తున్న కలల కార్చోప్
రాత్రి చిక్కటి చీకటి మీద
మెరుపులుగా మెరుస్తున్న
కట్ దానా కుందన్లను
ఆలోచనల జరీతో కలబోసి చేస్తున్న కార్చోప్
సాదా చమ్కీ…. దేవదాసి చమ్కీ
రకరకాల రంగుల మెరుపు కలలు
సాదా జీవితానికి
అరబ్ దీనార్ల రంగుల కలలు
రాకుమారుడి రాకకోసం
ఆకాశం తానులో నేసిన నక్షత్రాల స్వాగతం
అన్ని చమ్కీలు చీరమీదకు చేరవు
దారితప్పి కింద పడి
ఊడ్పులో మాసి
బజారులో ఎండకు మెరిసి
ఏ గాలి వేగానికో
బురదగుంటల్లో ఆత్మహత్యించుకుంటాయి
బతుకు
చీరకు వేసిన కట్ దానాలానో
బజారున పడ్డ చమ్కీలానో
ఏ ఎగుమతిలో ఎక్కడిదాకా వెళ్తుందో తెలియదు
ఏ బురద గుంట వడిలో మునుగుతుందో తెలియదు
కానీ మెరవడం దాని జీవలక్షణం
పాతబస్తీ నిండా మెరుస్తున్న చమ్కీలే
షాజహాన కవిత మంచిగుంది.
బావుంది.
షాజహానా,
చాలా చాలా బావుంది నీ కవిత.నిజమే పాత బస్తీ నిండా మెరుస్తున్న చెమ్కీలే.
i wept when i have seen the film ‘Bazaar’.Truely i wept when i read the poem of Nirmalaji.Certainly the tears rolled down and am completed disturbed when i read yours.The ordeal continues and status quo is maintained when we do not fight the system and the clutches of religion.i read a wonderful poem and i expect and hope the poet will fulfil her historicai responsibilities in these turbulent times.